2013-2014 denboraldirako UDAk dituen talde guztiek euren burua aurkeztu zuten: alebinak, bi infantil talde, kadeteak, bi jubenil talde, lehenengo erregionaleko taldea eta ohorezko erregionaleko taldea. Dena jai giroan eta herritarren babesarekin egin zuten UDAko jokalariek, teknikoek eta zuzendaritzako kideek. Argazki ofiziala atera zuten herriko plazan.
Talde guztien babeslea Bertikal da eta hori ere aurkeztu zuten atzo. Aretxabaletar batek asmatutako jokoa da Bertikal, eta leku askotan komertzializatzen dabil. UDAko arduradunek oihartzun handiagoa eman gura diote horrela herritar horren asmakizunari.
UDA elkarteak taberna ipini zuen, finantzaketari beste bultzadatxo bat emateko, eta bazkide txartelak banatzeko ere aprobetxatu zuen.