Zapatukoa mendi bizikletako zazpigarren froga izan zen. Azken froga hori, euskal txapelketarako baliogarria izateaz gain, Gipuzkoako txapelketako froga ere izan zen. Bada, CDR-Lizarralde taldeko Iñigo Roldanek master mailako Gipuzkoako txapela lortu zuen. Julen Axpek aldiz, junior mailako Gipuzkoako garaile izatea lortu zuen. Biek ala biek, denboraldi ona egin dute, eta Roldanek urte guztian izandako erregulartasunari esker, master mailako Euskadiko txapela ere lortu du. Talde bereko elite mailan lehiatzen den Zigor Urainek 10. postuarekin konformatu behar izan zuen.
Dudarik gabe denboraldi borobila egin dute Dorletako Amako txirrindulariek.