Kuku Mikuk bazkidetza kanpaina ipini du martxan; 0 eta 6 urte bitarteko haurrak dituztenek aukera dute irailaren 16tik urriaren 7ra bitartean bazkide egiteko. Ikasturteko kuota 30 euro izango da eta kideek elkarteak antolatzen dituen hitzaldietan zein tailerretan parte hartu ahal izango dute. "Durana kaleko lokalaz gozatzeko aukera ere badugu".
Ate irekien eguna ere antolatu dute elkar ezagutzeko: urriaren 4an, 17:30ean hasita. "Eta gainera, gure jarduera auzolan bidez eta era asanblearioan garatzen dugu; 1.go bilera urriaren 20an izango da".
Haurren hezkuntza ardatz
Bestalde, 0-3 eta 3-6 urte arteko haurren hazkuntzarako laguntza taldeak sortuko dituzte. Hilean behin elkartuko dira, goiz zein arratsaldez.
Aurretik baina, hitzaldi informatiboa antolatu du elkarteak. Amalur Amatasunaren Laguntza Zentroko Ana Bacigalupek emango du, hilaren 23an, 10:30ean eta 18:00etan. Goizez joateko asmoa izan ezkero, kukumikuelkartea@gmail.com helbidera idatzi.