Txupina bota zutenetik Aretxabaleta festaren hiriburu izan da. Algara, poza... Nabari da festa herrian oso errotuak daudela eta jende askok bere oporrak lau egun hauen arabera antolatzen dituela. "Jacan etxea hilabete osorako alokatu dugun arren, egun hauetan Aretxabaletara bueltatzen gara" zioen herritar batek. Beste batzuek aldiz gaur hasiko dituzte euren oporraldiak "Andramaixak hemen gozatzeko festak dira, behin bukatutakoan joango gara opor lekura".
Abuztua izan arren, gaur ez da urteko astelehenik errazena. Herrian nabari da lau egun bizi hauen ostean jendeak atseden hartzeko beharra duela.