Segidan duzue irakurgai Ana Bolinagak, Aretxabaletako alkateak jaietarako prestatu duen agurra. Estatu osoan ezagun egin zen Aretxabaletako telefono kabina, sexu-indarkeriaren gaitzespena, euskal presoen herriratzea, euskara eta ikurrinaren aldarrikapena eta zaborra ditu, besteak beste hizpide Bolinagak.
"Hasteko, eskerrak emun gura dotsuet jai honeik antolaketan parte hartu dozuen danoi; izen be, jakiñekua da parte-hartzia zenbat eta handixagua izen, orduen eta emaitza hobiak lortzen diela.
Eta oin gure txandia da; guri toketan jaku girua sortzia eta Atxabaltako baztar danak pil-pillian jartia, ITZI PREOKUPAZIÑUAK KABINA BARRUEN, URTEN KALERA ETA GOZAU JAIXETAN!
Eta gure esku dau sexu-inddarkerixarik ez onarketia eta salaketia, JAIXETAN EGUNEZ ETA GABAZ BILDDURRIK BARIK IBILTTEKO.
Eta gure esku dau kanpotik datozenai begirunia erakustia, BAT EGITTIA ”PLUS” BAT DALAKO, PLUSBALIZATU DAIGUN GURE BIZITZA MUSU-TRUK.
Eta denon artien, eskuak alkarri emunaz, EKARRI DAIGUN EUSKAL PRESUAK HERRIRA.
Besarkada haundi bat hamen egon ez arren gure bihotzetan bizirik jarraiketan dozuenoi. Topera ibilli... buruko miñik emun barik!
Post-data:
"Hizkuntza bat ez da galtzen ez dakitenek ikasten ez dutelako, dakitenek hitz egiten ez dutelako baizik".
Eta post-data:
Andramaixetan be ganoraz jokatuko dogu, ikurriña balkoira eta zaborra gaikako zakarrontzixetara!
GORA ANDRAMAIXAK!, GORA ATXABALTA!".