Agorreko Andramaixetan izaten da ekimena, iraileko lehenengo asteburuan: "Kurtzebarri eguna izaten da baita ere, eta mendira igotzen gara auzokook, talde argazkia ateratzen dugu eta ondoren, modu bitxi horretan egiten dugu ibilbidearen zati bat". Hala azaldu dute ekimenaren antolatzaileek.
Mendi igoera polita
Irteera polita antolatzen dute bizilagunek; hala, Arientzako iturriko erromaratik irtenda, Intxaurbe, Aretxu, Arditurri, San Juan iturri eta Zaraiolatik pasatuta igotzen dira Kurtzebarrira. "Argazkia ateratzen dugu bertan eta ondoren, Zaraiola puntatik Hirupagoetaraino jaisten gara ipurdi gainean labanderan".
Jendea animatu guran
Aurreratu bezala, aurtengoa urtemuga berezia izango da eta Kurtzebarrira igoera eta jaitsiera bultzatu gura dute. Eta oraindik hilabete pasatxo geratu arren, herritar denei egiten diete dei Areantzako bizilagunek euren ohiturekin bat egin dezaten. "Gure inguruak ezagutzeko modu polita da, gainera".
Gura duten guztiek irailaren 8an, domekan, izango dute haiekin bat egiteko aukera.