Edozelan ere, uztailean berriro ere Aretxabaletan filmak ikusteko aukera egongo da. Sarri izango dira emanaldiak, Kultura teknikari Inma Miguelek aipatu duenez.
Hiru film eskainiko dituzte: batetik, uztailaren 11n (22:00), 12an (22:00), 14an (19:30) eta 15ean (19:30), Scott Fitzgeralden eleberrian oinarritutako El Gran Gatsby emango dute.
Egun horietan, gainera, haurrei zuzendutako Monstruos University animaziozko komedia eskainiko dute Zaraian, 18:00etan eta 17:00etan.
Aretxabaletan emango duten hirugarren pelikula, berriz, After Earth izango da, Will Smith eta haren seme Jaden Smith protagonista diren filma, hain zuzen. Lau egunean emango dute: hilaren 18an (22:00), 19an (22:00), 21ean (19:30) eta 22an (19:30), hain zuzen ere.