Sorginak izan diren galdetuko dute batzuek. Izan ere, azken sei urteetan bezalaxe, kaleak iraz beteta esnatu dira gaur, San Juan egunez, Aretxabaletan.
Antzina baserrietako atarietan ipintzen zuten iratzea udako solstizioarekin batera, zorte ona erakarri guran. Azken sei urteetan aldiz, Aretxabaleta osora ireki den usadioa.
Gaurkoan ere herriko kaleak iraz estalita esnatu dira, sorgin talderen batek atariz atari banatu izan balu bezala. Zenbait tokitan, gainera, gurutze bereziak ipini dituzte, arantza beltzarekin lotuak: Pausokan, udaletxe zaharrean, Murrukixoren lokalean...
Bestalde, Arkupen ikusgai dago datorren urteko San Juan bezperako suan erreko duten San Juan loreen sorta: garia, oloa, garagarra...
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
