Hormatik espero zutena baino distantzia handiagora paratu behar izan dute kanpaleku nagusia, punturik hurbilenak oso irregularrik zirelako edo urik ez zutelako. Hortik hormaren oinarrira bitartean dagoen 1.500 metroko desnibela izango da eragozpen nagusia, lur aldapatsu, zakar eta gorabeheratsu horretatik ekipamendu guztiarekin igaro beharko direlako igoera hastea erabakitzen dutenean. Edozein kasutan, mendigoizaleak gogotsu daude eta gaur bertan egin asmo dute gailurrera ailegatzeko bidearen lehen ikuskapena.
Basque Team-eko Alberto Iñurrategi aretxabaletarra, Juan Vallejo eta Mikel Zabalza Paiju Peaken magalera heldu ziren atzo, eguaztena. Bertan ezarriko dute kanpaleku nagusia eta puntu horretatik gora egingo dute gailurrera (6.610 metro) heltzeko ahalegina, mendiaren hegoaldeko aurpegi esploratu gabetik. Beroa izan dute nagusi orain arteko ibilbidean baina, bi trekking-egunen ostean (sei orduz ibili dira egunero), arazo barik ailegatu dira kanpaleku nagusira. Pare bat aste beharko dituzte orain altuerara egokitzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak