Jomuga gogorra, Karakorumeko mendi puska horrek (6.610 m) 3.000 metrotik gorako desnibel bertikal-bertikala du-eta –kanpaleku nagusitik gailurrera. Hala, hiru mendizaleek aurreikusi dute 10 egunetik gora beharko dituztela horman, "kapsula estiloa" erabiliz; hau da, horman gora egin ahala kanpalekuak paretan bertan egingo dituzte.
Behin bakarrik igo dute
"Paiju igotzeak zailtasun handia du, eta logistika aldetik eskalada konplexua izango da," Mikel Zabalzaren hitzetan. Ez da harritzekoa, beraz, mendiak eskalada bakarra izatea: 1976ko uztailaren 21ean Bashir Ahmed eta Nazir Sabir pakistandarrek eta Allen Steck estatubatuarrak osatutakoa.
Iñurrategik, Vallejok eta Zabalzak tentuz aukeratu dute proiektu berria, Paiju Peak mendiaren hego aurpegiak goi-mailako eskalada eta alpinismoa uztartzeko osagai guztiak biltzen dituela jakitun: 1.0000 metrotik gorako harkaitzezko beso bertikalak eta eremu misto (izotza eta harkaitza) tente eta konpromiso handikoak, gailurrerako bidean. Laburbilduz, horma bertikal erraldoi bat mendiaren beheko aldean eta goi-mendiko pasarte oso zailak goialdean.
Ekainaren erdialdean abiatuko dira
Hiru euskal mendizaleek ekainaren erdialdera joko dute Karakorumera eta, ondo bidean, hilaren 23 aldera paratuko dute kanpaleku nagusia Paijuren magalean, 3.300 metrora. Ondoren, beste pare bat aste beharko dituzte altuerara egokitzeko. Eta bete-beteko eskaladari ekingo diote ondoren. Beraien kalkuluen arabera, hegoaldeko aurpegiaren 3.000 metrotik gorako desnibela gainditzeko gutxienez 10 egun egin beharko dituzte horman zintzilik.
Aurreko espedizioetako bideoak
Nuptse, 2012:
Transantartika, 2011:
Broad Peak, 2010:
Hornbein-en elur jauzia, 2009: