Ekintzak 11:00etan hasiko dira etxafleroekin, eta ordu laurden beranduago, hankapalo eta batukadarekin batera, plazatik Iralabarriraino kalejiran Zazpi jauzi dantzatzen joango dira guztiak; handik Gernika Plazaraino Txu lalai, eta Herriko plazaino Bihotzez ikasi dantzatuz. Ordurako gertu izango dute Gurabarri guraso elkarteak gertatutako hamaiketakoa. Indarrak berreskuratu ostean, 13:00etan, Eguzkiari agurra ikuskizuna hasiko da; eta hori amaitzean, 14:15ean, Iturrigorri pilotalekurantz abiatuko dira guztiak, bazkaltzeko. Amaitzean, 15:15ean, gaztelu puzgarriak eta tailerrak izango dituzte umeek eskolako patioan; eta 16:00etan, karaokea.
Haurren Astea
Jaialdiaz gain, Haurren Astea ere izango dute eguenera arte. Gaur, bi urteko ikasleek eskolan entseatutako abesti ezagunak dantzatuko dituzte gurasoendako; eta bihar, hiru urteko haurren txanda izango da. Etzi, lau urtekoak izango dira dantza eta kantu emanaldia eskainiko dutenak. Eguenean, bos urtekoen eskutik, zirko mundiala helduko da Kurtzebarrira.
Egunero bi emanaldi egingo dituzte: eskola orduan ikasleendako; eta 18:00etan, gurasoendako. Horrez gain, eskolako sarreran haurrek azken asteotan egindako eskulanak egongo dira ikusgai.