Eibarren sukaldatutako antzezlana da gaur gauean Aretxabaletan eskainiko dutena. Sardo Irrisarri aktore eibartarra herrikide duen Rosa Martinez-Alcocerrek zuzendutako obraren pertsonaia nagusiaren, paperean sartzen da. Irrisarrik, eromenaren eta zentzutasunaren artean mugitzen den istorioa kontatuko die Zaraiara bertaratzen diren guztiei.
Umorezko saioa
Trastada Teatro taldearen eskutik iritsiko da umore gazi-gozodun emanaldia Zaraiara. Izan ere, pertsonaia berezi baten abentura eta zoritxarrak biziko dituzte bertaratzen diren ikusleek.
Pertsonaia nagusia, El Cósmico izeneko gizona da; 20 urte daramatza psikiatriko batetan eta egun batetan alta ematen diote. Une gogorrak biziko ditu orduan, izan ere, ezazaguna zaion jendartera irteteak beldurra ematen dion arren, indartsu egiten dio aurre egoera berriari. Drama ukitua izan arren, umorez kontatutako istorioa ikusteko aukera.