LH 3 eta LH 4 mailetan, Iker Arias eta Kattalin Linazisoro –ipuina–, Aner Gejano eta Amets Eraña –bertsoa–, eta Leire Calvo eta Xabi Vitoria –deskribapena–; LH 5 eta LH 6 mailetan, Alaitz Mujika eta Ane Etxabe –ipuina–, Xubane Garai eta Aiora Diaz de Gereño –bertsoa–, eta Eneko Mateos eta Laia Arriola –iritzi artikulua–; DBH 1 eta DBH 2n, Jokin Salido eta Sarah Corres –sentimenduzko gutuna–, Nerea Fernandez de Antona eta June Gaztañaga –komikia–, eta Itziar Sarasua eta Danel Feijo –argazkizkiak–; eta DBH 3 eta DBH 4n, Nerea Bastardo eta Aitziber Colino –sentimenduzko gutuna–, eta Maider Bastardo eta Jon Egidazu –argazkizkiak–.
Berrikuntzak
Argazkizkien, deskribapenen eta iritzi artikuluen atalak izan dira aurtengo nobedadeak eta antolatzaileak pozik daude izan duten harrerarekin; batez ere, argazkizkiekin –argazki eta hizkiekin egindako lanak–, horiei esker gora egin duelako apur bat DBHko neska-mutikoen parte-hartzeak. Iaz nagusien literatura lehiaketan estreinatu zuten atal hori eta, ondo funtzionatu zuela ikusirik, gazteenean txertatu dute aurten.
Bukaera, bertsotan
Bariku arratsaldeko ekitaldia xumea izan zen eta ez zen denboran askorik luzatu, baina bertsoen atalean saritua izan zen gazteetako batek botatako bertsoarekin, kantuan eginez borobildu zuten hitzordua.