MUren Aretxabaletako kanpusaren inaugurazioa bihar

Mondragon unibertsitateak inaugurazio ofizialari pauso emango dio bihar eguerdiko 12:30etan.  Ikus-entzuneko komunikabideen gradua irakatsi duen kanpus honen irekidura ofizialean hitzaldiak eta bisita gidatu bat izango dira.

Inaugurazioak Cristina Uriarte Eusko Jaurlaritzako Hezkuntza, Hizkuntza Politika eta Kultura sailburuak; Iosu Zabala Mondragon Unibertsitateko errektoreak; Nekane Arratibel Mondragon Unibertsitateko Humanitate eta Hezkuntza Zientzien Fakultateko dekanoak; Martin Garitano Gipuzkoako ahaldun nagusiak eta Iñigo Louvelli Aretxabaletako Udaleko Hezkuntza zinegotziak emandako hitzaldiekin hasiera emango dio ekitaldiari. Ondoren 13.30etan bisita gidatu bat egongo da, kanpus berritik zehar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.