Joseba Larrinagaren omenezko martxa errebindikatiboa

Hilaren 19an, domekan, egingo dute, Aretxabaletatik irtenda. Ekitaldi xumea izango da, eta bi helburu nagusi izango ditu: gure lagunaren oroimena gogora ekarri eta errepideetan ziklistok bizi ditugun arriskuak salatu. 

Debagoieneko errepideak zeharkatuko ditugu, Aretxabaletatik (herriko plazatik goizeko 10etan abiatuta) Eskoriatzara (herriko kale nagusietatik), ondoren Arrasatera (herriko kale nagusietatik), eta handik Aramaiora (herriko kale nagusietatik) Josebaren istripua gertatu zen lekura arte. Istripuaren tokian minutu bateko isilunea egingo dute.

Antolatzaileak honako hauek dira: Dorletako Ama Txirrindularitza Eskola, Lokatza Ziklismo Eskola, Eskoriatzako Txirrindulari Elkartea, Aloña Mendi Txirrindulari Elkartea, Aretxabaletako lagunak, Athlon kirol eta zerbitzu kooperatiba eta Goiena Komunikazio Taldea.

Prentsaurrekoa 

Omenaldiaren gaineko zehaztasunak, bihar, eguaztena, goizeko 11:30ean Aretxabaletako Arkupe Kultur etxean egingo dugun prentsaurrekoan eskainiko dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.