Sari banaketa amaitu eta gero Ana Bolinagak hartu du hitza. Alkateak Larrinagarekin bizi izandakoak gogoratzen hasi du ekitaldia. Etorkizuneko planak, bere proiektuak, gogoak... Oso hitz hunkigarriak izan dira eta bati baino gehiagori Larrinagarekin bizitako zenbait pasadizo gogoratzeko balio izan dio.
Alkatearen ostean, Martin Garitano Gipuzkoako Aldun nagusiaren txanda izan da. Garitanok Larrinaga moduko gipuzkoarren premia azpimarratu du, "denon laguna zen eta oztopoen aurrean aurrera egiten zuen".
Zuhaitza landatu dute
Otala-Zelairen albo batean Bolinaga eta Garitanok Larrinagaren omenez zuhaitz bat landatu dute, eta txalo artean, familiakoen laguntzarekin, Larrinagaren argazki bat ere jarri dute.
Honela bukatu da azken Otala-Zelaiko krosa, izan ere, hurrengo urtetik aurrera lasterketa Joseba Larrinaga memoriala deituko da-eta.
