Betiko moduan, Aretxarte elkartekoek herriko hainbat dendaren eskaintza erakutsiko dute Durana kalean. UDAko futbol entrenatzaile Igor Arenatzak gidatutako desfilea 18:00etan hasiko da. Adin guztiei zuzendutako arropa eroango dute jantzita modelo lanak egingo dituzten boluntarioek. Gazteen arropa, esaterako, UDA kirol elkarteko jokalariek jantziko dute; herriko hainbat umek ere desfilean parte hartuko dute, gurasoek lagunduta, denboraldiko jantzi koloretsuak eroaten.
Esan bezala, modeloak pasarelan dauden bitartean, herritarrek saiheski errea probatzeko aukera izango dute aretxabaletarrek Mitarte kalean. Josu harategikoak okela erretzeaz arduratuko dira eta UDAko partaideak, berriz, pintxoak eta edatekoa banatzeaz. 90 saiheski kilo inguru erreko dituzte.