Euskal kirolaren mundua hankamotz geratu da bere heriotzarekin, fundazioko kideen esanetan: "Euskal kirola ere hankamotz gelditzen da, Joseba baitzen paralinpismo munduan errepresentazio instituzionalaren beharraren bultzatzailea. Kirol egokitua gutxietsi eta mespretxatzen zuten garaian eta nazioarteko gertakizunetan ikurrina ikustea oso zaila zen denboran, Josebak Saiatu sortu zuen lehenengo eta Euskal Paralinpikoak geroago; euskal kirol egokitua zabaltzeko balio izan duten bi erakunde".
Era berean, fundaziotik aitortu dute albisteak hunkituta utzi dituela: "Bere adiskidetasun eta ontasun gabe gelditzen gara eta zaila izango da malkoak ez irtetea Joseba gogoratzean. Jatorra eta estimua izateko pertsona zen. Hurkoa eta sentikorra, beti besteengan kezkatuta. Erraz maitatzen den pertsona horietakoa. Bakarrik gelditzen gara Joseba barik".
Joseba atleta bikaina zela ere azpimarratu dute, lehen, bigarren edo hirugarren postuan bukatzeari baino gehiago froga bakoitzean ahal zuen energia gehien emateari ematen ziola garrantzia gaineratuz.
Joseba Larrinagaren ohorez, Saiatu eta Euskal Paralinpikoak inoiz baino indar gehiagorekin irtengo dira Aurrera, euren esanetan.