Udalak erabaki du domekan egitekoa den Otala Zelaiko krosari Joseba Mardo izena ipintzea. Kirola, mendia eta herrigintza uztartzen dituen proba izanik Larrinagaren ezaugarriekin bat egiten duela uste dute. Sari banaketan minutu bateko isilunea egingo dute eta Ana Bolinaga alkateak hartuko du hitza herriaren izenean Larrinagari omenaldia egiteko.
Martxa zikloturista
Bailarako txirrindulariek ere egin nahi diote omenaldia. Dorletako Ama elkarteko presidente Iñigo Azkaratek esan duenez, ideia da Aretxabaletatik Aramaiora martxa zikloturista bat egitea. Joseba Larrinaga hildako tokira lore sorta eraman gura dute eta, bide batez, txirrindulariek errepidean bizi duten arrisku egoerak salatzea. Litekeena da martxa hori datorren aste bukaeran egitea.