Zapatuan merezitako garaipena lortu zuen Aretxabaletak Zarautzen aurka. UDAk ez zuen denboraldiko partidurik onena egin eta emaitza izan zen albisterik onena: "Hainbat gauza ikusi ditut hobetu daitezkeenak baina orokorrean ondo aritu gara. Gainera, erregional preferente mailako jokalari batek debuta egin zuen eta hori albiste ona da". Bixent izan zen debuta egin zuen jokalaria eta gola egin zuen, gainera. Beñat Etxabek eta Aitor Perezek egin zituzten beste bi golak.
Albistegik azaldu digunez, Zarauzko taldeari igarri zitzaion maila ez galtzeko borrokan ari direla: "Larri ikusi nituen, nabaritu zitzaien atzealdean dabiltzala. Presio handiarekin ikusi nituen jokatzen, nahiko behartuta". Hirugarren Mailarako igoeraren ametsa alde batera utzita, Real Union taldeari hirugarren postua kentzeko borrokatuko dute aretxabaletarrek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.