Nagore Olabe Basabeazpiko irakaslearen arabera "ondo pasatzea eta elkarrekin egun bat pasatzea" da festarekin lortu nahi dena, eta lortu dute: "Oso giro ona dugu", zioen.
Almenekoekin batera antolatu dute udaberriko jaia. Umeentzako eta gurasoentzako jolasak, talogintza tailerra, trikitilari eta buruhaundien kalejira, bazkaria, txokolate jana eta Argitxoren bisita ere jasotzen zituen egitarauak. Eguerdi partean jende ugari zegoen Aretxabaletako erdigunean, jaiarekin gozatzen.