Ikus-entzunezko kultura izena duen ikasgaiaren baitan Almeneko 15 ikaslek aurkeztu zituzten lanak ONCEren lehiaketara, baina talde bakarrak jarraitu zuen aurrera, Ariane Agilerak, Itziar Muruak, Alazne Etxabek eta Eider Altubek, osatutakoak hain zuzen ere.
Denboraren kapsula: etorkizuna eraikitzearen abentura izan da lehiaketako aurtengo lema, eta Almeneko ordezkariek Hamar+1 izengoitiarekin hartu dute parte. "Bideo baten bitartez, pertsona elbarrituen normalizazio osoa lortzearen beharrean sakondu dute ikasleek", Maite Beitia irakaslearen esanetan. "Ikasleen bideoan ondorengoei bidalitako mezu bat jasotzen da, eta ikasle itsu baten egun bat irudikatuta, hausnarketara bultzatzen du".