Tailerra hasteko, 17:30etik 19:00etara mahai inguru modukoa egingo dute. Tailerreko antolatzaileen esanetan, berbaldi luzea egin baino asmoa da herritarrek aktiboki parte-hartzea, dituzten zalantzak zuzenean galdetuta; hala, zelan entrenatu, zelan elikatu, errendimenduari buruz jakin beharrekoak, bizikleta neurriak, materiala... gai horien guztien gainean jardungo dute. Eta gai horietan ondo jantzita dauden Kepa Zelaia eta Alberto Garai (kirol medikuak), Markel Irizar (Radioshackeko ziklista) eta Emaitz Izagirre (ziklismoko teknikari biomekanikoa) izango dira.
Entrenamendu esfezifikoak
Jarraian, 19:00etatik 19:45era Markel Iriza txirrindulariaren eskutik areto bizikletako entrenamendu espezifikoa egingo dute, eta 19:45etatik 20:30era zikloturistendako fitnes entrenamendua.
Ibarra kiroldegian bertan eman daiteke izena (tailerra doan izango da) 943 039 842 telefonora deituta, edo info@ibarrakiroldegia.com helbidera idatzita.