Aurten ere umorea izango da sortu berri duten antzezlanaren abiapuntua. Kasu honetan Errasti eta Vega egongo dira taula gainean eta euskaldunok beste hizkuntza batzuetara salto egiteko dugun joeraz hausnarketa satirikoa egingo dute.
Antzezlana 20an estreinatuko dute Zaraia aretoan eta doan izango de arren, sarrerak lehenago jasotzea komenigarria izango da. Gogoan izan, gehienez ere, pertsona bakoitzak hiru sarrera hartu ahal izango dituela. Kultura etxera sarrera bila joaten direnek, gainera, euren telefono zenbakia eman beharko dute. Izan ere, Loramendiko Sustapen taldeak ikusleen balorazioa jaso nahi du: "Saioaren ondorengo astean ikusleen portzentaje bati ikuskizunaren inguruko iritzia eskatuko zaio". Ziur aurreko antzezlanarekin gertatu zen moduan, honek ere txaloez gainera, barre algara ugari sortuko dituela.