Hiru dira begirale izateko bete beharko diren baldintzak, Udaleko Gazteria Sailetik aditzera eman dutenez: gutxienez 18 eta gehienez 30 urte edukitzea, euskaraz jakitea eta formazio saioetan parte hartzea.
Formazio saioei dagokienez, Maider Etxaniz Udaleko Gazteria Saileko teknikariak aditzera eman duenez, apirilean zehar egitea aurreikusten dute. "Orain, bertan zer nolako edukiak landuko diren zehazten gabiltza".
Interesatuek apirilaren 10a baino lehen gazteria@aretxabaleta.net helbidera edo udaletxeko gazteria zerbitzuan entregatu beharko dute beraien curriculuma.
Udaleku itxietan izenematea
Bestalde, atzo hasi eta hilaren 24ra bitartean, Foru Aldundiak antolatutako udaleku itxietan izena eman daiteke. 7 eta 13 urte bitarteko neska-mutilek, Zuhatza, Zarautz, Barria, Lapurreketa, Gorliz edota Zugastietara joateko aukera dago.
Udaletxean eman daiteke izena, edota internetez, http://gipuzkoagazteria.net/udalekuak/ helbidean.