Huhezinemako lehiaketa ofizialean zein MUko ikasleen lehiaketan parte hartzeko deialdia amaituta, aurkeztutako film laburren zenbaketa egin dute Huhezikoek. Hala, Movibeta online plataforman zein posta arruntaren bitartez jasotako lanak kontuan harturik, guztira 125 film labur aurkeztu dira seigarren edizio honetan, horietatik 29 euskara hutsean ekoitzitakoak.
Aurreko urteko markari eutsi dio lehiaketak eta Movibeta plataformak egileen artean duen arrakastari esker, Huhezinema Jaialdia egonkortu egin dela esan daiteke. Momentu honetan, jaialdiako antolatzaileak hautaketa prosezuan murgilduta dabiltza eta datorren asterako prest izango dute film finalisten zerrenda.
Apirilaren 16tik 18ra bitartean izango da lehiaketa ofiziala Aretxabaletako Arkupe Kultur Etxean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.