Goroetakoa Santiagoren bizitzari eskainitako erretaula bakarra da Gipuzkoan; XVI. mendekoa. Ana Isabel Ugalde arrasatearrak arte lan horren azterketa sakona egin du Santiagoren Ikonografia Gipuzkoan. Besteak beste, jakinarazten du Miguel Perez de Sardaneta dela egilea, eta zurezkoa dela, trauskilki polikromatua eta estiloz erromanista. Predelak, bi gorputzek, hiru kalek eta frontoidun atikoak osatzen dute. Bisita gidatuan horren gaineko informazioa eskainiko da.
Aretxabaletako Goroeta auzoko Santiago elizako erretaula ezagutzeko aukera dago zapatuan, hilak 16, Debagoieneko Mankomunitatearen eskutik. Interesatuek egubakoitza baino lehen eman behar dute izena 943 79 64 63 telefono zenbakian edo 'turismo@debagoiena.net' postan. Bisita 12:00etan hasiko da, eta irteera horren prezioa bi eurokoa da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak