Kantu jolasen ikastaroa martxoaren 23an izango da, 17:30ean eta 2 eta 5 urte bitarteko haurrei eta haien gurasoei zuzenduta egongo da. "Elkarteko bi kidek emango dute ikastaroa eta ondo pasatzeaz gainera gure haurrekin jolas egiteko kantu jolas batzuk ikasteko aukera ere izango dugu".
Antolatutako bigarren hitzordua berriz, psikomotrizitateari buruzko hitzaldia izango da. Apirilaren 23an Ianire Jaio Isasi psikomotrizistak hartuko du hitza, 18:00etan, elkartearen lokalean. Aditzera eman dutenez ekintza hauetan parte hartu gura izenez gero, ez da aurrez izenik eman beharko.
Bestalde, nahiz eta oraindik datarik zehaztu ez duten, Kuku Mikukoek Meitai Maitiekoek eskainitako tailerra antolatu dute eta bertan, "material desberdina ekarri eta nola erabiltzen diren erakutsiko digute: haur-eramaileak, pixoihal bererabilgarriak..."
