Hilero bat eskaini dute eta oso erantzun ona izan dute herritarren partetik, elkarteko kide Nerea Altunak aditzera eman duenez. Urtarrilean haurtzaroaren oinarriak landu zituzten, eta 20 lagunek hartu zuten parte; otsailean berriz, errespetuzko komunikazioa izan zuten berbagai eta 24 lagun bertaratu ziren. "Asteleheneko kasuan, mugak izango da gai nagusia, zer-nolako muga ipini eta nola jokatu errespetatu ezean".
Mendizabalek eskainiko duen azken saioa, berriz, maiatzean izango da, eta zigorrak eta sariak ardatz izango ditu pare bat ordu iraungo duen berbaldian.
Apirilean berriz, Nerea Mendizabalek atseden hartuko du; baina hilaren 23an, psikomotrizitateari buruzko saioa egingo dute. "Doakoa izango da, eta Arrasateko Herri Eskolatik etorriko dira saioa ematera".
Herritarrei deia
Orain arteko saioen gaiak elkarteko kideen beharren arabera hautatu dituzte. "Baina edozein herritarrek aukera dauka gugana etorri eta gai bat proposatzeko. Ateak irekita dituzue!".