Markos (Jon Zubiaga) eta Matilde (Sonia Villamor), salgai dagoen Markosen amonaren etxean elkarrekin bizi diren bi lagun dira; aterpea konpartitzen dute etxea husteko abisuaren zain dauden bitartean. Hortik abiatzen da ordubeteko iraupena duen istorio gazi-gozoa; izan ere, egileek komedia hurbil moduan definitzen badute ere, badira egunerokotasuneko kontakizunean, puntu dramatikoak ere. Publiko zabalarentzako ikuskizuna da.
Dekoratu sinpleak
Ezereza, hutsa, erakutsi gura izan dute taularen gainean, horregatik, euren etxea irudikatzen duen kubo txuri txiki bat besterik ez dute aktoreek lagun. Ander Garaizabal, teknikariaren laguntzarekin osatuko dute Peru Magdalena idazleak jositako istorioaren eszenografia.