Euskalkiei eta memoriari buruzko lana da Nire argazkia. 52 minutuko iraupena duen proiektu horretan Azpeitia, Lekeitio eta Donapauleko familia banako hainbat senitarteko elkarrizketatu dituzte. Bakoitzak etxean duen argazkia hartu du, eta horrek sortzen dizkien oroitzapenen inguruan mintzo dira familiako kideak; hainbat istorio askotariko euskalkietan jasotzen dira. Egileen esanetan, «mintzaira eta gizarte memoriaren parte bat artxibatzea» dute helburu horrela.
Elkarrizketez gain, ikus-entzunezko berean parte hartzen duen Euskal Herriko Unibertsitateko Iñaki Gaminde hizkuntzalariak gaur egungo euskararen egoeraren inguruko argibideak eman ditu.