Leizarra musika eskolakoak hasiko dira girotzen Aratusteak egubakoitzean. Bandak, txistulariek eta dantzariek ikuskizun dotorea eskainiko dute Herriko Plazan (17:30). Eta Kuku Mikuko kideek txokolate beroa eskainiko dute.
Aratuste-domeka koadrilek girotuta
Aratuste-domeka koadrilek girotuko dute. Txistulariek egingo diote ongietorria egunari eta gero txino dantzak hasiko du ospakizuna (11:45). Ondoren koadrilen desfilea hasiko da Copreci lantegi albotik eta kalejira egin. Kiroldegira joko dute gero koadrilek bazkaltzera (14:30); 600 bat lagun elkartuko dira.
Arratsaldea Erre Erre elektrotxarangaren kalejirak hasiko du (17:30). Gero mozorro lehiaketaren sariak banatuko dituzte Herriko Plazan (18:45) eta bukatzeko Santa Ageda neska-mutilek azken dantza saioa eskainiko dute (19:00).
Mozorro lehiaketako sariak
Hona 16 urtetik gorakoendako sariak:
- Originaltasun saria: 160 euro
- Girotze saria: 160 euro
- Muntaia onenaren saria: 160 euro
- Banaka, binaka saria: 160 euro
- Adin nahaste saria: 160 euro
16 urtetik beherakoendako:
- 1. saria: 150 euro
- 2. saria: 120 euro
- 3. saria: 100 euro
- 4. saria: 80 euro
- 5. saria: 60 euro