Egongela goxo bat irudikatu zuten Belar Meta dendako erakusleihoan Idoia Elexpuru eta Uxue Erañak; eta horixe izan da, epai-mahaikideen iritziz, aurtengo erakusleiho saria merezi izan duena. Ana Bolinaga, alkatea, eta Zigor Quintanilla, Kultura zinegotziaren eskutik jaso dute, gaur, zapatua, oroigarri plaka eta sari sorpresa, hau da, bi lagunentzako Orioko Aisia Hotelean egonaldia. Eskaparatearen goxotasuna eta euskararen presentzia izan dira, bereziki, saria eskuratzeko argudiatutako arrazoiak. Datorren urteko eskaparate lehiaketa heldu bitartean, Belar Meta dendan izango da aipatutako plaka datorren urteko irabazleak hartu bitartean.
Era berean, lehiaketako antolatzaileek, Amaia Ume dendari aipamen berezia egin diote, euskararen erabilera nabarmenduz, eskaparatean ikusgai izan den bertsoagatik. Hau da bertsoa: "Poztasunez zuri daz herriko kaliak eta mendixak neguko modaz dotore dendetako erakustokixak gabon mezuz beteta karta eta postal guztixak Amaia ume dendan partetik Gabon zoriontsuak izan, zorionak eta urte berri on!".
Amaia Ume dendari eman diote sari berezia bertsoagatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.