Neguko jolas parkea egiten ari dira Aretxabaletan bi egunotan. Poxpolin taldekoen ekimenez antolatu dute, eta atzo puzgarri, tailer, edota karaokean aritu baziren etxeko txikienak, gaurkoan igerilekuaren txanda izan da.
Arrakastatsua ari da izaten uretako parkea eta etxeko txikienak gustura aritu dira. Puzgarrietara igo eta azken nor eroriko jolasatu dute batzuek, txirristatik bota dira besteak...
Goizean 0-7 urte bitarteko gazteak aritu dira jolas eta igerian eta bazkalostean, 17:00etatik 18:30era, 7 eta 9 urte artekoen txanda izango da; eta 18:30etik 20:00etara, 10 eta 13 urte artekoak.