Izena emateko hona: kukumikuelkartea@gmail.com edo 650 93 96 93 (Nerea). Saioen prezioa 7 euro da bazkideendako eta 10 euro gainerakoendako (aurrez ordaindu beharra dago saio bakoitza). Saioak Kuku Mikuren lokalean (Durana kalean) izango dira.
Hilabetean saio bat eskainiko du Mendizabalek, urtarriletik maiatzera bitartean. Hona:
Haurtzaroaren oinarri sendoak (urtarrilak 7)
Etorkizuneko pertsonaren oinarriak haurtzaroan eraikitzen dira. Hori horrela, segurtasunez eta konfiantzaz hornitzeko, gurasoek ezagutu eta zaindu beharreko pilareak landuko dituzte: "Haurtzaroan izango dituen esperientzia atseginez gain, izango diren momentu zailetan haur honek, egoera horiei aurre egiteko aukera gehiago izan dezan", diote kideek.
Errespetuzko komunikazioa (otsailak 4)
"Haurrengandik urrutiratzen gaituzten zailtasunak aztertu ondoren, beraiengana gerturatzen, ulertzen eta gozatzen lagunduko diguten komunikazioaren pausoak aurkeztuko dira, guretzako inportanteak diren helburuetara iritsi nahi dugula kontutan hartuta", diote. Eta landutakoak beste edozein harremanetarako baliagarria izango dela iragarri dute: bikotearekin, lagunekin, lankideekin, haurrekin, senideekin…
Esaten dizudana bete eta ez haserretu (martxoak 4)
Haurren emozioen inguruan eta gurasoek jarri gura dituzten mugen gainean jardungo dute. "Nola erantzungo dugu haurraren emozio ezatseginen aurrean (amorrua, agresibitatea, kasketak, tristura, beldurra...)? Mugak jarri nahi ditut baina zein, noiz, nola, zergatik? Eta zer egin betetzen ez dituenean?" Galdera horiek guztiak eta beste hainbat erantzungo ditu Mendizabalek.
Ez dut zigortu nahi (maiatzak 6)
"Haurrak duen jarreraren aurrean sarritan ondorio bat ezarri nahi izaten dute gurasoek haurrak ikas dezan, eta zigorrak jartzea beste armarik ez zaigu gelditzen", diote. Horiek haurrengan duten eragina aztertu ondoren zigor, mehatxu eta xantaiez gain beste aukera batzuk daudela aztertuko dute.