Abenduan 25 urte bete ditu Aretxabaletako Murrukixo Mendi Elkarteak, eta hilabete osoan zehar dihardute ospakizun ekimenak egiten. Nagusia, edozelan ere, asteburuan egin dute. Besteak beste, elkartea sortu zuten gehienak, betiko lagunak eta kanpoan bizi diren aretxabaletar batzuk Taberna Barrin elkartu ziren, afari ederra egiteko. Lehenago, baina, ezin bestela izan, eta elkarteari izena ematen dion Murrukixo iturrira joan ziren "erromes".
Jakinekoa denez Murrukixo iturriko ura bixamona kentzeko "magikoa" dela, iturriari bisita egiteaz bat, bertatik tragoxka bat zein beste edateko ere aprobetxatu zuten "erromes finek". Eta modu horretan, gaueko afarirako gertu eta "beldur barik" zirela egin zuten mendi bueltatxoa, hego haizeak lagunduta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
