Munduko jatorrizko hizkuntza eta herrien existentzia sustatzeko asmoz egin dute lan hori bi eta bost urte bitarteko neska-mutikoek. Ikus-entzunezkoaren grabazioa gurasoek egin dute eta audioa Arrasateko Shot! Estudioan grabatu da. Proiektuak izaera unibertsala du eta Mexikoko, Guatemalako, Kataluniako zein Galiziako haurrek parte hartu dute. Guztira, 126 neska-mutiko aritu dira lanean.
'Jatorrizko Herriak' proiektua
Jatorrizko Herriak proiektuaren harira egin dute bideoklipa; hain justu, horri amaiera borobila emateko egin dute Arizmendiko Basabeazpi gunekoek ikus-entzunezkoa. Egitasmoaren helburua izan da ezagutzera ematea badirela munduan jatorrizko hizkuntza, identitate eta kulturak, eta hedapen lan horretan Arizmendik Garabide elkartearen laguntza izan du.