Aretxarte merkatarien elkartea Gabonak girotu guran dabil herritarrei, eta hirugarren urtez gonbidatu du gaztaina saltzailea. Gaur egongo da Mitarte kalean, eta datozen bi eguenetan, hilak 21 eta 27, berriro etorriko da. Aretxarteko merkatariek, txartelak banatuko dituzte bezeroen artean, gaztainak debalde jan ditzaten.
Horrez gain hiru opari eder ere zozketatuko ditu Aretxartek abenduaren 22an, zapatua. Kalitate oneneko jakiz betetako hiru otzara –urdaiazpiko iberiarra, xanpaina, turroiak, ardo ondua…–, eta lehenengo sarituak, gainera, irteera irabaziko du: globoan ibilalditxoa; Ramon Bilbao upategira bisita gidatua; Vieja Bodega jatetxean afaria; eta Errioxako Palacio de Casafuerte hotelean gaua, gosari eta guzti. Aretxarteko dendetan erosketak egiten dituztenek hartuko dute parte zozketan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.