Bagara elkartea dabil bideratzen lan dinamika, eta dagoeneko bi bilera egin dituzte: lehenengoan, Udalaren funtzionamenduaren eta egoeraren gaineko argibideak eman zituzten; eta bigarrenean, arloka banatutako taldeak osatu eta herritarren ekarpenak jaso.
Behin jasotako ekarpen horiek guztiak aztertuta ondorioak aurkeztuko dituzte bihar, eta ekintza planaren berri eman.
Udala herritarrengana gerturatzeko prozesua da aurten abian jarritakoa, Udalaren egoera gizarteratzea helburu duena eta herritarren ekarpenak jaso gura izan dituena. Era berean, "Udal politika egiteko beste modu batzuk lantzeko" lehenengo pausoa ematen dabiltzala jakinarazi dute.