Txalapartarien ongietorriaren ostean irrintzi lehiaketari ekin zioten. Ikusmin handia sortu zuen eta 6 eta 12 urte arteko ikasleek lekaixo ederrak bota zituzten. Ondoren, pilotalekua dantzariz bete zen; ikasle, irakasle eta gurasoek elkarrekin egin zuten dantzan. Bien bitartean, gazta baten pisua asmatzeko apustua jarri zuten abian.
Bukatzeko gaztaina-erreak izan zituzten txikiek, eta buzkantz mokadutxoa sagardoak lagun eginda helduek.
Aitajaun-amandreei eskainia
Pilotalekua dotore apainduta zegoen, giza balioen astean egindako lantxoekin apainduta, hain zuzen. Gu sortu ginen enbor beretik sortuko dira besteak… izan dute gai aurten, eta ikasleen amama-aitaitak izan dira protagonista. Hala, amama eta aitaiten garaiko argazki, abesti, ipuin, olerki eta aho korapiloekin horma-irudi erraldoia egin zuten. "Burututako ekintzekin, eurengandik jasotzen dugun maitasuna eta jakituria aitortu eta eskertu nahi izan diegu", jakinarazi dute Kurtzebarriko kideek.