Louvelli hainbat erakundetan Udalaren ordezkaria ere izango da, euskaltegian eta Goienan, esaterako.
Etxegabetzeen gaineko mozioa
Udabaltzak, gainera, etxegabetzeen gaineko mozioa onartu zuen. Etxegabetze guztiak bertan behera uzteko eta herritarren eskubideen defentsa bermatzeko legedia aldatzeko exijitu zuten horren bitartez; eta beste batzuen artean onartu: Udalak kreditu entitateekin duen harremana berrikustea; herritarrak informatzea eta arriskuan daudenei laguntzeko baliabideak jartzea; etxegabetze prozesurik ez bultzatzea; etxegabetzeen aurka lanean ari diren gizarte eragileekin elkarlanean jardutea; eta subiranotasun politikoa exijitzea. Etxegabetzerik ez leloarekin elkarretaratzea egitea ere onartu zuten.
Bestalde, Palestinaren aldeko adierazpen instituzionala ere onartu zuten, eta eskatu Palestinar herriaren aurka burutzen den okupazio ilegalarekin eta zapalketarekin bukatzeko.