Ekintza asko egin dituzte giza balioen aste barruan: "Amona eta aitonen garaiko argazkiak, abestiak, ipuinak, olerkiak… ekarri eta horma-irudia egin dute pilotalekuan jartzeko. Horrez gain, postalak, zuhaitz genealogikoak, deskribapenak eta eskulan politak egin dituzte amona eta aitonei oparitzeko", jakinarazi dute bertako kideek.
Gainera, amandre eta aitajaunekin berba egiteko tartea izan dute ikasle eta irakasleek eta "asko ikasi" dutela onartu.
Udazken jaia Iturrigorrin
Astea bukatuko dute gaurko udazken jaiarekin. Guraso, ikasle, irakasle… guztiak elkartuko dira Iturrigorri pilotalekuan eta bertan izango dituzte: txalapartariak, irrintzi erakustaldia; ikasle, irakasle eta gurasoen dantzak; trikitilariak; eta mokadutxoa ere bai: gaztaina-erreak, buzkantzak eta sagardoa.