Eguerdian Aretxabaletako Ibarra kiroldegiaren aurkezpen ofiziala egin dute. Irailean zabaldu zuten erabiltzaileentzat, baina gaurko aurkezpenerako Ikerne Badiola, Kultura, Kirol eta Gazteria diputatua; Asier Sarriegi, Kirol zuzendaria; eta Carlos Ruiz, Kutxako Gizarte Ekintzako zuzendaria etorri dira. Aurreskua dantzatu diete gonbidatuei eta ondoren kiroldegi sarreran jarri duten plaka erakutsi dute. Kiroldegi berriaren balorazio oso positiboa egin dute, ibarrean eta Gipuzkoa mailan gaur egun dagoen kiroldegi onenetarikoa da eta.
Esan bezala, kirola egiteko azken mailako tresnak ditu Ibarra kiroldegiak eta hori frogatzeko, bisita gidatu bat antolatu dute bertara gerturatu diren udal ordezkari eta herritarrentzat. Bisita gidatu honetan, kiroldegia egiteko proiektua irabazi zuten arkitektoak egon dira bertan.
Asier Akuriola donostiarrak, eta Fernando Bajo gasteiztarrak, espazioa bakoitzari dagokion azalpenak eman dituzte, eta oso pozik daude azken emaitzarekin, proiektuan irudikatu zituzten ideia nagusia errespetatu direlako eta horrela punta puntako kiroldegia egitea lortu dutelako.
Gaur egun 1600 abonatu ditu Ibarra kiroldegiak, baina pixkanaka kopurua handitzea da udalaren helburua eta alkateak esan bezala, aretxabaletar guztiak bertara gerturatzea eta kirola egitera animatzen ditu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak