Azaroaren 8tik 23ra bitartean bidali beharko dituzte maitasunezko mezuak gazteek (DBHko 1. maila - Batxilergoa 2. maila). "Maite duzun horri bidaliko zeniokeen maitasun mezua" bidali beharko dutela iragarri dute antolatzaileek eta euskaraz izango da hori (SMS bakoitzaren kostua: 0,15 euro + BEZa). Saria da ukitzeko pantaila duen sakeleko telefonoa (Galaxy Ace S5830 modeloa, telefono librea).
Parte-hartzaileek nahi beste SMS mezu bidali ahal izango dituzte. Eta epaimahaiak mezuaren jatortasuna, originaltasuna eta berritzailetasuna baloratuko dituzte. Irabazlearen izena azaroaren 30ean argitaratuko da www.arkupe.eu webgunean. Eta parte-hartzaile guztiei SMS bidez jakinaraziko diete irabazlearen izena.