"Bikain jardun zuen Aretxabaleta kirol elkarteko karateka gazteak eta arratsalde ederra pasatu zuen gainera; izan ere, hori ere badago helburuen artean", azaldu du Odilo Vazquez entrenatzaileak.
Txapelketak bi atal zituen; lehenengoan, kata modalitatean jardun zuten bakarka (defentsa eta erasoko tekniken erakustaldia etsairik gabeko borrokan). Bi kata saio egin zituen Elortondok eta hirugarren postua eskuratu.
Bigarren atala lan saio librea zen eta laguntzaile batekin (UKE), Oxel Vazquez izan zen Elortondorena, kumite modalitatean jardun behar zuten. Minutu batean borrokan egin zuten eta finalista izan zen.
Entrenatzaileak, taldeko kideek eta UDAko guztiek zorionak bidali dizkiote Elortondori.