Joan den zapatuan iritsi ziren Aretxabaletara Herbehere iparraldeko Cuijk herrian dagoen MerletCollege ikastetxeko 35 ikasle eta hiru irakasle. DBHko laugarren mailako gaztetxoak dira guztiak, 15 eta 16 urte bitartekoak.
Egitarau mardula zuten osatuta ordurako Kurtzebarri eskolakoek, inor ez aspertzeko modukoa, eta halaxe, hara eta hona dabiltza egunotan: astelehenean, Aretxabaletako bazterrak ezagutu zituzten; martitzenean, Donostia aldera joan ziren; eta atzo herri kirolak egin zituzten goiz partean eta paella lehiaketa gero.
Gaur, Bilbora jo dute eta iluntzean agur afaria izango dute. Martxoan, ostera, bisita itzuliko diete aretxabaletarrek.