Kuku Mikuk Durana kalearen atzeko partean duen lokalean elkartuko dira talde horiek hilabetean behin, bi orduz: goizean (10:30-12:30) edo arratsaldean (18:00-20:00). Eta prezioa 15 euroren bueltan izango dela jakinarazi dute "taldekide kopuruaren arabera". Izena eman edo argibide gehiago gura dituenak hona kontaktua: kukumikuelkartea@gmail.com edo 650 54 68 39 (Ainara).
Egunotan lokala egokitzen
Kuku Miku elkarteko kideak hasi dira Durana kaleko lokala txukuntzen; garbitu eta margotu egingo dute egunotan, ume eta gurasoen topaleku atsegina izateko. Hilaren 15ean jarriko du abian bazkidetza kanpaina eta 20an, zapatua, ate irekiak egingo dituzte.
