"Aretxabaltarrok ere aukera eta eskubidea dugu Madrildik inposatu nahi dizkiguten murrizketen inguruan gure ezetzik borobilena plazaratzeko" diote Greba batzordeko kideek. Hori horrela, iruzurraren aurrean planto egiteko eta Euskal Herrian beste eredu baten alde egiteko, bizikleta martxa antolatu dute. Txistua ahoan dutela egingo duten bizikleta martxa horretara herritar guztiak gonbidatu gura dituzte: "Zenbat eta gehiago elkartu, gero eta ozenagoa izango da aretxabaletarron deiadarra".
Arratsaldean, ostera, bizikleta berriro hartu eta Arrasaten izango den mobilizaziorako elkartuko direla Herriko Plazan, 17:00etan, jakinarazi dute: "Euskaldunon eskubide laboral eta sozialen alde, mugi gaietezen tropelean".