Koadrilen arteko lehenengo txapelketa Arrasateko Vagitarians taldeak irabazi du; bigarren Biris geratu da eta hirugarren Spat. Esan behar da hirugarren eta laugarren postua erabakitzeko lehia ez zela jokatu Tu canalillo me pone como un ladrillo taldeak, nekeagatik, ez jokatzea erabaki zuelako.
Jokalari onena, Gorka Gartzia
Finalaren ondoren sari banaketa etorri zen. Talde irabazleak 600 euro irabazi zituen, bigarrenak 300 euro eta hirugarrenak 100 euro. Jokalari onenaren saria Vagitarians taldeko Gorka Gartziak irabazi zuen.
Erantzun ona izan du txapelketak
Antolatzaileak pozik geratu dira txapelketak izan duen erantzunarekin. Giro onean jokatu zituzten lehia guztiak: "130 bat jokalari ibili dira txapelketan, gazteena 16 urtekoa eta nagusiena 50 urtetik gorakoa", esan zuen Ibai Zangitu antolatzaileak. Datorren urtean berriro ere txapelketa antolatzeko indarra ematen du horrek.