Sototik hasi eta hirugarren solairuan dagoen bainurako guneraino erakusten dute kiroldegiko gida lanetan dabiltzanek. Herritar asko harrituta geratu: "A ze espazio zabalak eta igerilekuaren gunean halako argitasuna duen kiroldegi gutxi izango dira"; "Eguzkia hartzeko gune dotorea gero, eta zelako parajeak ikusten diren"; "Uretan sartzeko gogoa ematen dute igerileku hauek"…
Kiroldegiaren gaineko informazio guztia, tartean tarifak, jasoko duen esku-orria gertatzen dabiltza egunotan eta datorren asterako gertu izango dute. Etxez etxe banatuko dute esku-orri hori.
Bisita gidatuen hitzorduak gehitu egin dituzte orain artekoek izandako arrakastagatik:
Elkarteentzat:
- Uztailak 12, eguena: 17:15, gastronomia elkarteak.
- Uztailak 17, martitzena: 11:00, Atzegi; eta 17:15, kirol elkarteak.
- Uztailak 18, eguaztena: 17:15, abesbatza.
- Uztailak 23, astelehena: 17:15, Loramendi elkartea.
Herritarrentzat:
- Uztailak 10, martitzena: 11:00 eta 17:00
- Uztailak 11, eguaztena: 11:00 eta 17:00
- Uztailak 13, egubakoitza: 11:00 eta 17:00
- Uztailak 16, astelehena: 11:00 eta 17:00
- Uztailak 18, eguaztena: 11:00, 17:00 eta 18:15
- Uztailak 19, eguena: 11:00, 17:00 eta 18:15
- Uztailak 21, zapatua: 11:30
- Uztailak 26, eguena: 11:00 eta 17:00